Naxashyo duugnaa 2,500 oo sano oo haatan dib loo soo saaray

General Science & Tech

Ilaa 27 naxash ah oo duugnaa in ka badan 2,500 oo sano ayaa waxaa dib usoo saaray khuburro u dhashay Masar.

Waxaana naxashyadan lagu arkay goob taariikhii ah oo muqaddas ah ku taalla deegaanka Saqqara oo dhaca koonfurta magaalada caasimadda ah ee Qaahira.

Waxaana horraantii bishan la soo saaray 14 kamid ah naxashyadaas halka 14-ka kalena lagu raad joogay, sida ay sheegeen sarakaiisha Masaarida.

Waxay khuburadda ku tilmaameen in uu kamid yahay ‘waxyaabihii ugu weynaa ee taariikhiga ah ee hal mar la helo’

Sawirrada ay baahiyeen waxay muujinayaan naxashyada oo lagu dahaaray waxyaabo dhal dhalaayo.

Deegaanka Saqqara waxaa muddo ka badan 3,000 sano ay aheyd goob qabuuro ah, waxaana aqoonsatay ha’yadda Qaramada Midoobey u qaabilsan dhaqanka ee Unesco.

Mid kamid ah naxashyada laga soo qufay deegaanka Saqqara
Qoraalka sawirka,Mid kamid ah naxashyada laga soo qufay deegaanka Saqqara

“Daraasado hore waxay muujinayeen in guud ahaanba naxashyadan ay xirnaayeen oo aanan la furin tan iyo intii la duugay” waxaa sidaas yiri wasiirka dhaqanka iyo arrimaha aathaarta Masar.

‘Siro badan’

Bayaan kasoo baxay wasiirka arrimaha aathaarta Masar, Khaalid Al Anani ayaa lagu sheegay in markii hore ay dib u dhigeen in la shaaciyo guushan taariikhiga ah si uu booqdo goobta si uu ugu mahadceliyo shaqaalaha howsha adag ku bixiyay sidii ilaa 11 Miitar dhulka hoostiisa ay uga soo saari lahaayeen naxashyada.

Waxay khuburradu kasoo saareen naxashyada dhulka hoostiisa ilaa 11 miitar
Qoraalka sawirka,Waxay khuburradu kasoo saareen naxashyada dhulka hoostiisa ilaa 11 miitar
1px transparent line

Waxaa weli ay howl ka socotaa goobta laga soo saaray naxashyadan si khuburada ay ugu suurogasho inay helaan xogta ku saabsan halka laga keenay ama cidda lagu aasayba.

Waxay khubarrada sheegeen in naxashyada aanan la furin tan iyo intii la duugay
Qoraalka sawirka,Waxay khubarrada sheegeen in naxashyada aanan la furin tan iyo intii la duugay

Wasaaradda waxay sheegtay inay ku rajo weyntahay shaacinta ‘siro badan’ xilli ay qaban doonaan shir jaraa’id maalmaha nagu soo aadan.

Qaar kamid ah naxashyada si qurxoon ayaa loo xardhay
Qoraalka sawirka,Qaar kamid ah naxashyada si qurxoon ayaa loo xardhay
1px transparent line

Sidoo kale, waxaa jiray waxyaabo kale oo taariikhii ah oo barbar socday naxashyada oo lasoo saaray kuwaas oo si qurxoon u xardhan.

line
Mid kamid ah naxashyada ugu yar ee laga soo saaray Saqqara
Qoraalka sawirka,Mid kamid ah naxashyada ugu yar ee laga soo saaray Saqqara
1px transparent line

Bishii Nofembar ee sanadkii 2018-kii ayay aheyd markii Masar ay markii ugu horreysay deegaanka Saqqara ka soo saartay waxyaabo taariikhii ah oo ku aasnaa goobtaas.

Deegaanka Saqqara wuxuu 30 kiiloomiitar dhinaca koonfureed kaga beegan yahay magaalada caasimadda ah ee Qaahira, waana goobta qabuuraha u aheyd dadkii hore ee ku nool Masar qarniyo lasoo dhaafay.

Sanadihii u dambeeyay, Masar waxay bilowday olole ay ku suuq geyneyso waxyaabaha taariikhiga ah si ay u xoojiso waaxdeeda dalxiiska.

BBC

Leave a Reply

Your email address will not be published. Required fields are marked *